Mae Leri Ann yn wyneb cyfarwydd, wedi iddi actio rhan un o gymeriadau fwyaf lliwgar Rownd a Rownd - Erin. Ond, yn ddiweddar, mae hi wedi bod yn datblygu ei thalentau unigryw fel cantores gyda'r cynhyrchwr Mei Gwynedd.

Wedi rhyddhau ei EP cyntaf llynedd (You And Me), mae Leri yn ol gyda sengl Newydd, Ffwl Ohona I. Mae’r dylanwadau yn deillio o girl bands y 60au fel The Ronettes a’r Shirelles hyd at enwau fwy modern fel Duffy, Amy Winhehouse a Lady Gaga. Mae hi yn gantores unigryw ac arbennig, ac mae’r trac newydd yn destun fod Leri hefo dyfodol disglair iawn fel cantores. 

Cyfrannu fy rhan

Yn ol Leri  - "Dwi wrth fy modd gyda’r sain, a chanu y math yma o ganeuon. Fedrai ddim disgwyl perfformio y caneuon newydd yn fyw, ac yn edrych ymlaen yn fawr o allu cyfrannu fy rhan tuag at y sin gerddorol gwych sydd yma yng Nghymru ar hyn o bryd". 

Bydd rhagor o senglau yn cael eu rhyddhau drost y misoedd nesaf, gyda albwm llawn ar gael erbyn diwedd y flwyddyn.